Марий Эл Республын рӱдолаштыже илыше пагалыме еҥ ден уна-влак!
Марий Эл Республын рӱдолаштыже илыше пагалыме еҥ ден уна-влак! Марий Эл Республикын Кугыжаныш Погынжо лӱм дене тендам Йошкар-Олам негызлымылан 442 ий темме дене алал кумылын саламлем! Оланан историйже – тиде чолгалыкым ончыктымо да илышым тўзатыме летопись. Изи Какшан серысе Кугыжан ола лӱман пу крепость деч регионын кызытсе административный, промышленный да тӱвыра рўдерже марте корным эртен, Йошкар-Ола ойыртемалтше сын-кунжым арален коден да Юл кундемыште турист-влакын кумылыштым савырыше ик эн сӧрал олалан тичмаш права дене шотлалтеш. Кызыт республикын рўдолаже писын вияҥеш. Ме сайын тўзатыме эҥер сер да парк, производствым вияҥдымаште шумо сеҥымаш, республик деч ӧрдыжтат кўкшын аклыме тӱвыра проект-влак дене кугешнена. Йошкар-Олаште кызытсе жаплан келшыше школан да йочасадан йоҥгыдо микрорайон-влак писын нӧлталтыт, кудывече-влак уэмдалтыт, спорт ден йоча площадке-влак ышталтыт. Социальный инфраструктур шинча ончылнак вашталтын толеш, тидыже оласе калыкын илышыжым утларак йӧнаным, лўдыкшыдымым да тазалыклан пайдалым ышта. Рўдолан тўҥ поянлыкшылан, мутат уке, тудын талантан, пашам йӧратыше, поро шўм-чонан еҥже-влак шотлалтыт. Шерге йошкаролинец-влак, лач тендан вий-куатда да тыршен ыштыме пашада ончыко ўшанлын каяш кӱлшӧ негызым шочыктат да уна-влакым сайын вашлийын моштышо олан сын-кунжым рашемдат. Тиде кечын ветеран, шоҥгыеҥ да почётан граждан-влаклан поснак тауштымо шуэш. Тендан илыш корныда – шочмо кундемлан ўшанлын служитлыме шотышто чапле пример. Ме воин-землякна-влакым чот пагалена да нунылан тауштена, нуно кызыт специальный военный операций каен шогымо кундемыште Шочмо элнан чекшым, кидыш саркуралым налын, аралат. Ме тендан дене кугешнена да сеҥымаш дене мӧҥгӧ пӧртылмыдам вучена! Сылне олаланна умбакыже тӱзланаш уло шўм-чон дене тыланем. Тек Йошкар-Ола эреак тугай вер лийын кодеш, кушкыжо пӧртылмӧ шуэш. Тек кажне еҥ лач тыште илымым пиаллан шотла, шочмо олан шумо сеҥымашыжым ужеш да тудын у кӱкшытыш шумыжлан куана. Чылаланда тазалыкым, илышыште чыла сайым, тыныслыкым да палемдыме чыла шонымашым шукташ тыланем! Марий Эл Республикын Кугыжаныш Погынжын Председательже Михаил Васютин.