Марий Эл Республикын рўдолаштыже илыше шерге еҥ ден уна-влак!
Марий Эл Республикын рўдолаштыже илыше шерге еҥ ден уна-влак! Тендам Йошкар-Олам негызлыме кече дене саламлем! Республикын рўдолаже йоҥгыдо, унам куанен вашлийын моштышо да шкешотан ола семын тичмаш права дене чаплана. Тушто ойыртемалтше архитектур, поян тўвыра йўла да сылне пўртўс ойыраш лийдымын иктыш ушненыт. Йошкар-Ола писын вашталтеш. Мыланна уло мо дене кугешнаш да ончыкыжо кузе вияҥаш. Образований сферыште чулымын пашам ыштена: у школ-влакым чоҥена, образовательный тӧнеж-влакым капитально олмыктена, библиотеке ден сымыктыш школ-влакым уэмдена. Олан сын-кунжо чот вашталтын толеш. Скверым, йолын коштмо верлам тўзатена. Транспортланат тўткышым ойырена: корно ден тротуар-влакым олмыктена. Кундемлам комплексно вияҥден толмо кышкарыште аварийный илыме вер олмеш кызытсе жаплан келшыше квартал-влак нӧлталтыт. Йошкар-Ола – пӧртылаш кумылаҥдыше ола. Турист-влакын кумылыштым савыраш манын, навигацийым уэмдена, у арт-объект-влакым – олаште чылаштын палыме объект-влакын иземдыме копийыштым – вераҥдылына, каныме верлам тўзатена. Олан кечыже календарьысе дате веле огыл, тиде тугай тат, кунамже ме Йошкар-Олан пўрымашыж дене чак кылдалтмынам шижына, тудын эртыше да кызытсе жапше дене кугешнена да ончыкылыкыш ўшанлын ончена. Тыланда пеҥгыде тазалыкым, илышыште чыла сайым да йӧратыме рўдоланам да пўтынь Марий Эл Республикым тўзатыме лӱмеш у сеҥымашым уло шўм-чон дене тыланем! Пайрем дене! Марий Эл Республикым Вуйлатыше Юрий Зайцев.