Марий самырык тукым слёт умбакыже шуйна. Таче кумшо кече.
Марий самырык тукым слёт умбакыже шуйна. Таче кумшо кече. Тиде жапыште ӱдыр-рвезе-влак икте-весе дене сайын палыме лийыныт, йолташ лийын шуктеныт, очыни. Нунылан организатор-влак поян программым ямдыленыт. Слётчик-влак тӱрлӧ занятийыште уш-акылыштым пойдарат, лекцийым колыштыт, шке кундемышт дене кылдалтше изирак проектым ямдылат. Икымше кечын ӱдыр-рвезе-влак Российысе калык-влак ассамблейын Марий Элысе пӧлкажын еҥже-влак дене вашлийыныт. Тыгодым канашат огыт мондо. Кажне кечын нуным тӱрлӧ оҥай таҥасымаш вуча. Мутлан, ола мучко этноквест, «Угадай мелодию» тӱвыра программе, рӱдоласе тоштерла дене палыме лиймаш, молат... Денис Речкинын, Лидия Шабдарован, слётын воткыл лаштыкше, Марий Эл Кугыжаныш Погынын пресс-службыжын фотожо.
141 просмотров