Юл кундемысе калык-влакын «Эмер» II слётышт 6 гыч 10 июль марте Курыкмарий районысо этн...
Юл кундемысе калык-влакын «Эмер» II слётышт 6 гыч 10 июль марте Курыкмарий районысо этно-эко-городокышто «Молодежь ден йоча-влак» нацпроект почеш эрта. Тудо Юл эҥер серыште верланыше тӱрлӧ кундемысе изи олала гыч самырык-влакым уша. Тыгай мероприятийым эртарымаш самырык-влакын инициативыштым да усталык вий-куатыштым вияҥдаш йӧным пуа. Слётын программыже поян. Тудо туныктымо ужашым веле огыл, тыгак курыкмарий-влакын тӱвыраже, йӱлаж дене палдара, ӱдыр-рвезе-шамыч тӱрлӧ мастер-классыш ушнен кертыт. Мероприятийыште Марий Элысе Молодёжный политике комитетын председательже Станислав Игошин лийын да самырык-влак дене "галстук деч посна" форматыште мутланен. Ӱдыр-рвезе-шамыч личный брендым кузе вияҥдаш, грант проект-влакым ямдылыме нерген пален налыныт да шке инициативышт дене пашам умбакыже шуеныт.Теҥгечысе кас калык модмаш да режиссёр Денис Шаблий дене вашлиймаш дене мучашлалтын. Ончылно эше шуко оҥай вашлиймаш, у шинчымаш вучат! Фотом Марий Эл Правительствын сайтше да Новый Козьмодемьянск воткыл лаштык гыч налме.