Молодёжьын кечыштыже спортлан кугу тӱткышым ойыреныт.
Молодёжьын кечыштыже спортлан кугу тӱткышым ойыреныт. Эн оҥайын сап-фестиваль эртен. Жюри сеҥыше-влакым Жюри «Ойыртемалтше вургем», «Ешлан пӧлеклалтше эн сай образ», «Эн сай калык образ» да «Ончышо-влакын симпатийышт» номинацийлаште ойырен. Тений тушко Марий Эл гыч гына огыл, тыгак Киров, Свердловск область, Татарстан Республик гыч участник-шамыч ушненыт. Тӱҥ таҥасымаш деч ончыч сапым эн писын овартен кертше-влак ӱчашеныт. Тушто йоча-шамычат вийыштым тергеныт. Ӱдыр-рвезе-влак воркаут, скейтборд, брейкинг, диджеинг, ВМХ, хип-хоп, фриран дисциплинылаште виян улмыштым ончыктеныт. Тушто сеҥыше-влак республикнан чапшым Владивосток олаште «Кардо» гранд-финалыште аралат. Тыгах пайремыште фехтований, айкидо дене мастарлык классым ужаш йӧн лийын. 📸Иван Речкинын фотожо/ "Марий Эл" увер агентстве