Таче, Сергей Григорьевич Чавайнын шочмо кечынже, тудын лӱмжым нумалше Национальный библ...
Таче, Сергей Григорьевич Чавайнын шочмо кечынже, тудын лӱмжым нумалше Национальный библиотекын пашаеҥже, лудшыжо да унаже-влак марий сылнымутын классикшын бюстшо воктек пеледыш аршашым пыштеныт. Юалгырак шыже кечым марла йоҥгалтше почеламут корно-влак ырыктеныт. Аида Пчёлкина Сергей Чавайнын «Кече, кече манмет дене…» почеламутшым лудын. Тиде почеламутыш кугу поэт шочмо калыкым йӧратыме уло чон кумылжым пыштен. А Светлана Сауляк Миклай Казаковын Сергей Чавайнлан пӧлеклыме шудыран корнылажым йоҥгалтарен. 📸Фотом книгагудын воткыл лаштыкше гыч налме.
30 просмотров