9 октябрьыште 10 шагатлан Республикысе сокыр-влаклан книгагудышто «Шкешотан кумдыкышто ...
9 октябрьыште 10 шагатлан Республикысе сокыр-влаклан книгагудышто «Шкешотан кумдыкышто лудмаш» инклюзиван I тифлофестиваль (сокыр-влаклан келыштаралтше фестиваль) тӱҥалеш. Тудым Российысе лудмаш кечылан пӧлеклалтше «Книжный эрудит» лӱман уш-акыл (интеллектуальный) тир почеш. Тышке толшо-влак, командыш чумырген, сылнымут, писатель да книга-влак нерген йодыш-вашмут модмашыш ушнат. Тифлофестивальыш библиотекыш кошташ йӧратыше-влакым, Российысе сокыр-влак ушемын еҥже-влакым, культур волонтёр-влакым, начарын ужшо-влаклан тӱрлӧ уверым пуэн шогымо шотышто нелылык дене палыме лияш шонышо еҥ-влакым ӱжыт. Фестиваль Россий Федерацийын «Доступная среда» кугыжаныш программыжым, Россий Федерацийыште 2030 ий марте библиотеке пашам вияҥдыме стратегийым илышыш пуртымо, кундемыштына инклюзив культурын идейжым шарыме да начарын ужшо еҥ-влаклан илыме йӧнлан келыштаралтмыштлан полшымо шонымаш дене эртаралтеш. Фестиваль нерген рашрак умылаш полшышо еҥ: Одинцова Татьяна Витальевна, 8 (8362)38-00-77; rb.slep@mari-el.gov.ru