🗳Марий Элыште - дистанционный электрон йӱклымаш.
🗳Марий Элыште - дистанционный электрон йӱклымаш. Российын 33 регионыштыжо, мемнан республикыштат индешымше созыв Кугыжаныш Думыш депутат-влакым сайлымаште дистанционный электрон йӱклымаш лиеш. - Мобильный связьын пашаштыже да сайлымашым эртарыме годым уверым пуымо годым лийын кертше кӱрылтышым шотыш налын, РФ Минцифр дене пырля ДЭГ-ын информационный ресурсшым «ош спискыш» пуртымо паша шукталтеш, - палемден Россий ЦИК председатель Элла Памфилова. "ДЭГ-ыште тыгак у йӧным палемдыме: сайлыше иктаж амаллан кӧра дистанционно йӱклен кертын огыл гын, тудо шке сайлыме округ кӧргысӧ сайлыме участкыште кагаз бюллетеньым налын кертеш. УИК член-влак тиде сайлышын дистанционно але вес сайлыме участкыште йӱклымыжым тергат да тудлан кагаз бюллетеньым пуат»,- ешарен Элла Памфилова. Кызытеш регионлаште, кушто единый йӱклымӧ кечын ДЭГ эртаралташ тӱҥалеш, 48,4 миллион сайлышым регистрироватлыме. Тиде чот гыч 86 процентшын «Госуслуги» порталыште пеҥгыдемдыме аккаунтшо уло. Элнан парламентшын ӱлыл палатыжын депутатше-влакым сайлымаш деч посна ДЭГ 640 утла сайлымаш кампанийыште кучылталтеш.