21-23 августышто Татарстан Республикыште Казань воктенысе тазалыкым пеҥгыдемдыме да тун...
21-23 августышто Татарстан Республикыште Казань воктенысе тазалыкым пеҥгыдемдыме да тунемме "Байтик" комплексыште «Крутушка» тӱнямбал этнический фестиваль эрта. Тудо шке омсажым 16-шо гана почеш. Фестивальын программыже поян. Тушто тӱрлӧ мастарлык-классыш, спорт ден модмо мероприятийыш ушнаш, этнопедагогике ден занятий, мурышо ден куштышо коллектив-шамычын выступленийыштым ужаш йӧн лиеш. Тыгак этнографий ден фольклор теме дене пашам ыштыше специалист, тӱвыра пашаеҥ-влак, этнодизайнер дене вашлиймаш-влак лийыт. Йодмашым 21 июнь марте пуэн шуктыман. Лекше йодышым fest.krutushka.ru/ сайтыш пурен рашемдаш лиеш.
123 просмотров