🇷🇺 Марий Эл Республикын Кугыжаныш Погынжын Председательже Михаил Васютин Российын кеч...
🇷🇺 Марий Эл Республикын Кугыжаныш Погынжын Председательже Михаил Васютин Российын кечыж дене саламла! Марий Эл Республикыште илыше пагалыме еҥ-влак! Марий Эл Республикын Кугыжаныш Погынжо лӱм дене тендам Российын кечыж дене алал кумылын саламлем! Тиде пайрем шуко национальностян кугу элнан кажне гражданинжын шӱм-чоныштыжо поснак ойыртемалтше кумылым ылыжта. Тудын шуко курымаш эртыше жапшым, поян тӱвыра йӱлажым, Российын ончыкылыкшо шотышто кугу ответственностьым шижын шогымынам ушештара. Кызыт кугыжанышна национальный интересым аралыме да суверенитетым пеҥгыдемдыме шумлык пеш кугу задачым шукта, патриотизм да чак чумырген шогымо шижмаш чынже денак уло калыкым авалта. Россий калык-влакын икоян улмо идалык семын увертарыме 2026 ий тидым уэш пеш сайын пеҥгыдемден ончыкта: мемнан вийна – элысе чыла калык-влакын чак чумырген шогымаштышт да йӱлашт ден тӱвыраштым пагалымаште. Мыланна, Марий Элыште илыше-влаклан, Шочмо элым йӧратымаш шочмо кундемна деч тӱҥалеш, вет тудын историйже Российын эртыше жапше дене ойыраш лийдымын кылдалтын. Ме аграрийна, промышленникна, врачна, туныктышына да тӱвыра пашаеҥна-влакын шумо сеҥымашышт дене кугешнена, лач нунын пашашт дене регионнан сай илышыже ышталтеш. Тиде кечын ме специальный военный операций каен шогымо кундемыште ратный подвигышт да тылыште тыршен ыштыме пашашт дене тӱшка сеҥымашнам лишемдыше еҥ-влаклан алал кумылын тауштена. Шерге таҥ-влак! Тиде пайрем илышым тӱзатымаште сеҥымашке шуаш тыланда у вий-куатым пуыжо. Чылаланда пеҥгыде тазылыкым, пиалым, тыныслыкым да илышыште сайым гына тыланем! Тек Шочмо элна – пеш кугу Россий – тӱзлана, икшырымын вияҥмашын да порылыкын эҥертышышт лийын кодеш!