📰🍀🌺Газетнан у номерыштыже лудаш темлена:
📰🍀🌺Газетнан у номерыштыже лудаш темлена: ✅Тунемше-влакын кужун вучымо кеҥеж канышышт тӱҥалын гынат, республикысе школлаште тымык манын каласаш ок лий. Иктыште школ пеленысе йоча лагерь шке омсажым почын, да тыгодымак выпускник-влак экзаменлан ямдылалтыт, а весыште олмыктымо паша ышталтеш. Кумданрак - "Образований" лаштыкыште. ✅У Торъял муниципал округысо Овалже тӱвыра пӧртыштӧ кызыт олмыктымо паша кая. Мийымына годым тӱвыра пӧрт ончылно пашаеҥ-влак йыр кушшо шудым соленыт, кумдыкым тӱзатеныт. Кӧргыш пурымеке, верын-верын орален оптымо арвер-влак шинчалан вик пернат – олмыктымо пашалан кӧра зритель залыште да сценыште чыла кораҥдыме, ӱмбачын леведме. Умбакыже "Тӱвыра илыш" лаштыкыште лудса. ✅Газетнан тачысе унаже – «Защитники Отечества» кугыжаныш фондын Марий Элысе филиалжын вуйлатышыже Ренат Магсумовын алмаштышыже Елена Яшметова. Шернур кундемын ӱдыржӧ дене тӱрлӧ мероприятийлаште вашлияш логалеш. Тудым тӱнямбалсе умылыдымаш, спецоперацийын участникше, ветеранже-влак, нунын ешышт, лишылышт чот тургыжландарат. Тӱрлӧ семын полшаш тыршымыже, умылаш тӧчымыжӧ коеш. Могай амал шӱкалын самырык марий ӱдырым тыгай пашаш? Могай сомылым шуктен шогымыж нерген "Патырлык" лаштыкым лудмеке пален налыда. ✅Шернур район Изи Торешкӱвар ялыште илыше да Кужэҥер районышто вольык эмлыше врачлан 35 ий пашам ыштыше Светлана Антропова Кужэҥер район Кугу Лаждÿр ялыште шочын-кушкын. Верысе кандашияш школ деч вара Йÿледӱр кыдалаш школым пытарымекше, Озаҥ оласе ветеринарный институтышто тунемын. 1991 ийыште самырык специалист мöҥгö велышкыже пöртылын да «Рассвет» колхозышто пашам ышташ тÿҥалын. Светлана Анатольевна нерген материалым "Ӱдырамаш корно" лаштыкыште лудаш темлена. ✅29 майыште Козьмодемьянскысе А.В.Григорьев лӱмеш сӱрет да историй тоштерыште Курыкмарий кундемыште шочшо тиде палыме уста художникын, мер пашаеҥын, тоштерым негызлыше айдемын шочмыжлан 135 ий теммым палемдышна. Мероприятий гыч репортаж - "Волгыдо кыша" лаштыкыште.