🇷🇺 Марий Эл Республикым Вуйлатыше Юрий Зайцев Российын кечыж дене саламла!
🇷🇺 Марий Эл Республикым Вуйлатыше Юрий Зайцев Российын кечыж дене саламла! Марий Эл Республикыште илыше пагалыме еҥ-влак! 12 июньым ме элнан ик эн кӱлешан пайремже – Российын кечыже – семын палемдена. Тудо кугыжанышнан шуко курымаш эртыше жапшым шарналташ, икте-весым умылымо, пагалыме да пырля пашам ыштыме негызеш ончыкылыкым ик калык семын чоҥымынам палемдаш амалым пуа. Россий Федерацийын Президентше Владимир Владимирович Путин 2026 ийым Россий калык-влакын икоян улмо идалык семын увертарен. Национальный лидерын пунчалже общий историйын да шуко тӱрлӧ тӱвыран улмын кӱлешлыкыштым палемден ончыкта. Республикна шуэн вашлиялтше гармонийын чапле примержылан шотлалтеш: Марий Элыште 50 утла национальностян еҥ-влак илат. Тидын годым ме кажне калыкын ойыртемалтше тӱвыражам, йӱлажым да йылмыжым аралена. Шуко национальностян кундемыштына тыныслын да ваш сӧрасен илена, тидын дене ме кугешнена. Калык-влакын тӱвыра поянлыкыштым арален кодымаш да вияҥдымаш – мемнан тӱшка вий дене шуктышаш пашана, тидыже чак чумырген шогымым пеҥгыдемдаш да шуко тӱрлӧ сынан улмынам пойдараш полша. Лач чак чумырген шогымаш элын вий-куатшын да ӱшанлын вияҥын толмыжын негызыштлан, ончыко кайыме корнышто сеҥымашке шумо условийлан шотлалтеш. Тиде чапле кечын тыланда, шерге таҥ-влак, тазалыкым, пиалым да илышыште чыла сайым тыланем! Тек икоян улмо шижмаш да Шочмо элна дене кугешныме кумыл мемнам чак чумырат, у сеҥымашке шуаш кумылаҥдат да волгыдо ончыкылыклан ӱшаннам пеҥгыдемдат. Российын кечыж дене! Пеш кугу элын – Российын – пиалже лӱмеш у сеҥымашке! Пайрем дене!