Марий Элын оперативный штабше Медведево районышто террористический акт лийме ваштареш т...
Марий Элын оперативный штабше Медведево районышто террористический акт лийме ваштареш тактико-специальный ученийым эртарен. Пуйто, терактым ышташ шонен, республик кумдыкыш диверсионно-разведывательный группо пурен да чодыра коклаште шылын. Ученийын участникше-влак теракт лийын кертме ваштареш мом да кузе ышташ кӱлмӧ шотышто тунеммашым эртеныт. Тыге «террорист-шамычым» кученыт, а «нелылыкыш логалше-влакым» вертолет дене эвакуироватленыт. Мероприятийыш УФСБ, МВД, ГУ МЧС, Росгвардий, УФСИН, икмыняр моло структур ушненыт, палдара Россий ФСБ-н Марий Элысе управленийжын пресс-службыжо.
34 просмотров