27 сентябрьыште Йошкар-Олаште «Нацийын кроссшо» эртен.
27 сентябрьыште Йошкар-Олаште «Нацийын кроссшо» эртен. Тудо Россий калык-влакын икоян улмо идалыклан пӧлеклалтын да «Спорт» кугыжаныш программе полшымо дене илышыш пурталтын. Таҥасымашыш 500 утла участник ушнен. Нунын коклаште почетан уна да участник семын республикын спорт министрже Сергей Мухортов ден тазалык аралтыш министр Владимир Гладнев лийыныт. Таҥасыше-шамыч «Марий Эл» ий полат деч тӱҥалын Ленин проспект марте, тушеч Советский, Хасанов да Карл Маркс уремла дене йыр куржыныт. Эн ончыч стартыш 9 ияш марте йоча-шамыч лектыныт. Икшыве-влак 2026 метрым эртеныт. Рвезе-шамыч коклаште икымше верым Артур Петров сеҥен налын. Ӱдыр-влак коклаште эн писе Кристина Егорова лийын. Тений эн кужу дистанцийыште, 8 километрым эртымаште, Шернур гыч Алексей Ахтямов ден Алена Загайнова сеҥеныт.