Пачерлаште батарей-влак йӱштӧ улыт гын, мом ыштышашым Йошкар-Олаште илыше-влаклан умылт...
Пачерлаште батарей-влак йӱштӧ улыт гын, мом ыштышашым Йошкар-Олаште илыше-влаклан умылтареныт. Рӱдоласе мэрийыште тиде йодыш дене виктарыше компанийыш каяш темлат. Лач тудо пӧрт кӧргысӧ системылан вуйын шога, да пачерлашке шокшым пуаш йӧным ыштышаш. Коммунальный организаций-влакын контактный телефоныштым тӱлымӧ квитанцийлаште але подъездлаште увер стендлаште ончыктышаш улыт. «Виктарыше компаний йодмашланда огеш вашеште да проблемым огеш решатле гын, Марий Эл Республикын Кугыжаныш илыме верым эскерыше департаментшын «шокшо линийышкыже» йыҥгыртен кертыда: 8(902)465-01-21 (паша кечын 8:00 гыч 12:00, 13:00 гыч 17:00 марте). Тыгак Оласе озанлык дирекцийын ЖКХ пӧлкашкыже 8(8362)45-00-23 телефон номер дене (паша кече еда 8:30 гыч 12:30 марте, 13:30 гыч 17:30 марте) йыҥгырташ лиеш», — рашемден каласеныт Йошкар-Ола администрацийыште.