Хөрмәтле ветеринария хеҙмәткәрҙәре һәм тармаҡ ветерандары!
Хөрмәтле ветеринария хеҙмәткәрҙәре һәм тармаҡ ветерандары! Һеҙҙе һөнәри байрамығыҙ – Ветеринария хеҙмәткәрҙәре көнө менән ихлас ҡотлайым! Район ауыл хужалығының малсылыҡ, ҡортсолоҡ тармағында ветеринария хеҙмәте мөһим урын алып тора. Биләмәлә мал-тыуарҙың именлеген һеҙҙең дә тырышлыҡ, эшегегеҙгә яуаплы ҡарашығыҙ тәьмин итә, был иһә үҙ сиратында сифатлы, таҙа аҙыҡ-түлек сығанағы булып тора. Ваҡытында үткәрелгән профилактик саралар тотороҡло эпизоотик хәл һаҡланыуына булышлыҡ итә, төрлө ауырыуҙарҙың киң таралыуына юл ҡуймай. Хөрмәтле ветеринария хеҙмәткәрҙәре һәм тармаҡ ветерандары! Байрам уңайынан һеҙгә фиҙакәр хеҙмәтегеҙ, район йәмәғәт тормошонда әүҙем ҡатнашыуығыҙ өсөн рәхмәтемде белдерәм. Барығыҙға ла ныҡлы һаулыҡ, ғаилә бәхете, именлек, яуаплы эшегеҙҙә уңыштар, һөнәри үрҙәр теләйем! Бөрйән районы муниципаль район Хакимиәте башлығы Р.М. Абдуллин