Бэйдиэ сылдьар ыттар нэһилиэнньэҕэ кутталы үөскэтэллэрин умнуо суохтаахпыт! — 24 августа 2026 г. в 03:38:54.690
Бэйдиэ сылдьар ыттар нэһилиэнньэҕэ кутталы үөскэтэллэрин умнуо суохтаахпыт! Хаһаайын ытын уулуссаҕа босхо сырытыннарар буоллаҕына, Саха сирин административнай кодексын 5.4 ыстатыйатынан административнай эппиэтинэскэ тардыллар. Ыстыраап — 2000–3000 солк. диэри, онтон иккистээн түбэһэр түгэнигэр 3000–5000 солк. диэри ыстырааптаныан сөп. Онтон хаһаайыннаах кыыл киһи доруобуйатыгар буортуну оҥорбут түбэлтэтигэр, федеральнай сокуон ирдэбилинэн, иитэр-көрөр киһитэ эппиэтинэскэ тардыллар. Эмсэҕэлээбит киһи дьиэ кыылын хаһаайыныттан суут нөҥүө материальнай уонна моральнай хоромньу сууматын көрдүөн сөп. Эппиэтинэһи сүгүү РФ административнай уонна холуобунай кодекстарын чэрчитинэн ыытыллар. Ити иһин гражданнарга - 10 000 – 30 000 солк., дуоһунастаах дьоҥҥо — 50 000 – 100 000 солк., юридическай сирэйдэргэ 100 000 – 200 000 солкуобайга диэри ыстыраап көрүллэр. 2024 сылтан «Ленскэй нэһилиэк» ТСТ дьаһалтатын кытта дуогабар түһэрсэн, Василий Крымков салайааччылаах анал ыт приюта үлэлиир. Ол курдук, Федеральнай сокуон ирдэбилинэн хаһаайына суох бэйдиэ сылдьар ыттары туталлар, тиэйэллэр, эмтииллэр, көрөн-истэн учуоттууллар, ветеринарнай сулууспаҕа чиптэтиллэр уонна стерилизациялаталлар. Ытыктабыллаах Нам улууһун олохтоохторо! 2018 сыл ахсынньы 27 күнүттэн тахсыбыт № 498-дээх Федеральнай сокуон 13-үс ыстатыйатын ирдэбилинэн, «Кыылы эппиэтинэстээхтик иитии» быраабылаларын тутуһаргытыгар уонна тус эппиэтинэскитин умнубаккытыгар ыҥырабыт! «Нам улууһа» МО пресс-сулууспата