Хамаҕатта олохтоохторо толору хааччыллыылаах саҥа балыыһаланнылар 🏥👩⚕👏
Хамаҕатта олохтоохторо толору хааччыллыылаах саҥа балыыһаланнылар 🏥👩⚕👏 Бүгүн, алтынньы 22 күнүгэр, Нам улууһун Хамаҕатта нэһилиэгин олохтоохторугар уонна бүтүн улуус доруобуйа харыстабылын тиһигэр күүтүүлээх, кэрэ-бэлиэ тэрээһин буолан ааста. РФ президенэ Владимир Путин уурааҕынан олоххо киирэр «Уһун үйэлээх уонна көхтөөх олох» национальнай бырайыак чэрчитинэн, нэһилиэккэ аныгы, толору хааччыллыылаах модульнай врачебнай амбулатория үлэҕэ киирдэ. Саҥа эмтиир-диагностикалыыр киин тутуутун “МегиноСтрой» тутуу тэрилтэтэ (салайааччы — Николай Докторов) кылгас кэм иһигэр үрдүк хаачыстыбалаахтык тутан үлэҕэ киллэрдэ. Тэрээһин бастакы уонна эппиэтинэстээх чааһа саҥа амбулатория иһигэр ыытылынна. Хамаҕатта аныгы медицинскай киинин коллектива, улуус баһылыга Юрий Слепцов, улуус кылаабынай бырааһа Ариан Сергеев уонна Хамаҕатта тыа сирин түөлбэтин баһылыга Евгений Ушницкай өроспүүбүлүкэтээҕи быһаччы сибээс көмөтүнэн (ВКС) Саха Өрөспүүбүлүкэтин Бырабыыталыстыбатын дьиэтин кытта холбонууга таҕыстылар.⤵️