Степан Николаевич Платонов (1926–1975) — Саха АССР биллиилээх государственнай деятелэ, ... — 5 сентября 2026 г. в 09:52:42.939
Степан Николаевич Платонов (1926–1975) — Саха АССР биллиилээх государственнай деятелэ, Нам улууһун уонна бүтүн өрөспүүбүлүкэ сайдыытыгар улахан кылааты киллэрбит салайааччы. Кини 1926 сыллаахха балаҕан ыйын 11 күнүгэр Үөһээ Бүлүү улууһун Туобуйа нэһилиэгэр төрөөбүтэ. Степан Платонов 1965 сылтан 1970 сылга диэри Нам райкомун бастакы секретэринэн ситиһиилээхтик үлэлээбитэ. Кини салалтатынан улууска элбэх тутуу барбыта, тыа хаһаайыстыбата, суол-иис күүскэ сайдыбыта уонна Нам улууһа өрөспүүбүлүкэҕэ бастыҥнар кэккэлэригэр киирбитэ. Кэлин, 1971–1975 сыллардаахха, Саха АССР Министирдэрин Сэбиэтин бэрэссэдээтэлин бастакы солбуйааччытынан үлэлээн өрөспүүбүлүкэ хаһаайыстыбатын күүһүрдүбүтэ. Судаарыстыба иннигэр үтүөлэрин иһин Үлэ Кыһыл Знамятын, «Бочуот Бэлиэтэ» уордьаннарынан наҕараадаламмыта уонна «Нам улууһун Бочуоттаах гражданина» аат иҥэриллибитэ. Кини аата бэйэтин төрөөбүт Туобуйатыгар уонна Нам сэлиэнньэтигэр уулуссалар ааттарыгар үйэтиллибитэ, олоҕун уонна үлэтин туһунан кинигэ бэчээттэтэн тахсыбыта . "Нам улууһа" МО пресс-сулууспата