Бу туһунан нэһилиэк баһылыга Евгений Ущницкай маннык сырдатта:
Бу туһунан нэһилиэк баһылыга Евгений Ущницкай маннык сырдатта: «Быйыл „Спорт — олох нуормата“ (Спорт — норма жизни) федеральнай программанан ГТО нуорматын туттарар анал площадка тутулунна. Былырыын, 2025 сылга тутуллубут, олохтоохтор сөбүлээн сылдьар, сынньанар „Ыччат ыллыга“ сквер таһыгар элбэх функциялаах спорт площадкатын тутуутун үлэтэ түмүктэнэн эрэр. Бу объект балаҕан ыйын 24 күнүгэр үөрүүлээх быһыыга-майгыга арыллара былааннанар. Уһук Илиннээҕи регионнарга анаммыт „1000 тиэргэн“ (1000 дворов) программаҕа кыттан кыайан, хаарбах туруктаах дьиэлэртэн дьону көһөрүү программатын чэрчитинэн үлэҕэ киирбит 4 квартиралаах олорор дьиэ тиэргэнин тупсарыы үлэлэрэ ыытылла тураллар. Ол курдук, оҕо оонньуур площадката, дьиэ таһынааҕы күрүө-хаһаа тутуллуоҕа. „Олохтоох көҕүлээһини өйүүр“ программаҕа (ППМИ) кыттан, нэһилиэкпит уу ситимин салгыы сайыннарар сыаллаах тутуу матырыйаалларын атыылаһар былааннаахпыт. Ону таһынан, өр сылларга нэһилиэнньэ күүппүт тутуута — „Доруобуйа харыстабыла“ национальнай бырайыак чэрчитинэн балыыһа тутуутун үлэтэ түмүктэнэн эрэр», — диэн иһитиннэрдэ.Ити курдук, государство уонна муниципальнай былаас араас таһымнаах холбоһуктаах өйөбүлүн, ону тэҥэ олохтоох дьаһалта дьулуурдаах үлэтин түмүгэр Хамаҕатта нэһилиэгэ өссө тупсан-сайдан иһэр. «Нам улууһа» МО пресс-сулууспата