Кини уопсай сирдэр тэрилтэлэринэн учаастактарынан хайдах үллэһиллибиттэрин чуолкайдаан ...
Кини уопсай сирдэр тэрилтэлэринэн учаастактарынан хайдах үллэһиллибиттэрин чуолкайдаан эттэ. ✅Улуустааҕы Социальнай харалта управлениетын салайааччыта Людмила Петрова социальнай контракка төһө квота хаалбытын билиһиннэрдэ уонна усулуобуйатын хаттаан санатта. Кини сыл бүтүөр диэри үп барыта туһаныллыахтааҕын (освоение барыахтааҕын) бэлиэтээтэ уонна баҕалаах дьону социальнай харалта управлениетыгар консультацияҕа ыыталларыгар ыҥырда. Социальнай контракт хаалбыт квоталара: Үлэ көрдөөһүн (Поиск работы) — 2 квота; Бэйэ дьыалатын тэринии (ИП/Самозанятость) — 15 квота; СВО кыттыылааҕар бэйэ дьыалатын тэриниитигэр — 3 квота; Кэтэх хаһаайыстыбаны тэринии, техника атыылаһыыта (ЛПХ) — 9 квота; Ыарахан олохтоох балаһыанньаҕа түбэспиттэргэ (ТЖС) — 4 квота; «Ичигэс дьиэ» анал программа — 1 квота. ✅МКУ «Служба единого заказчика» дириэктэрэ Алексей Кондаков улуус иһинээҕи гравий суоллары грейдердээһин үлэтэ бу нэдиэлэттэн саҕаланарын туһунан иһитиннэрдэ. ✅Намнааҕы ойуур хаһаайыстыбатын салайааччытын солбуйааччы Артур Иванов, балаҕан ыйын 17 күнүгэр Нам улууһугар Саха Өрөспүүбүлүкэтин Ил Дархана Айсен Николаев, Саха Өрөспүүбүлүкэтин Бырабыыталыстыбатын Бэрэссэдээтэлин солбуйааччы Ольга Балабкина уонна Саха Өрөспүүбүлүкэтин Экология, айылҕа туһаныытын уонна ойуур хаһаайыстыбатын миниистирэ Евгений Перфильев кэлэллэрэ былааннанарын иһитиннэрдэ. Кинилэр «Ойууру харыстыах» («Сохраним лес») диэн Бүтүн Арассыыйатааҕы экологическай акцияҕа кыттыыны ылыахтара. Бу күн Нам сэлиэнньэтиттэн 6 км тэйиччи сытар, сибиир шелкопряда сиэн алдьаппыт уонна санитарнай кэрдии (рубка) ыытыллыбыт сиригэр ойууру чөлүгэр түһэрэр сыаллаах 2000 бэс саженеһын олордуу ыытыллыаҕа. Экологическай тэрээһиҥҥэ улуус олохтоохторун кытта кыттыһар сыаллаах Дьокуускай куораттан Арктикатааҕы судаарыстыбаннай агротехнологическай университет (АГАТУ) студеннара кэлиэхтэрэ. Барыта бу тэрээһиҥҥэ 100-чэкэ киһи кыттара күүтүллэр. «Нам улууһа” МО пресс - сулууспата