Балаҕан ыйын 19 күнүгэр Нам улууһун баһылыга Юрий Слепцов салайааччылаах делегация Чура...
Балаҕан ыйын 19 күнүгэр Нам улууһун баһылыга Юрий Слепцов салайааччылаах делегация Чурапчы улууһугар Аҕа дойду Улуу сэриитин сылларыгар Чурапчы холкуостарын күүс өттүнэн хоту оройуоннарга көһөрүү 84 сылыгар анаммыт Кутурҕан күнүн тэрээһиннэригэр кыттыыны ылла. Бу күн Дойдубут ыарахан кэмигэр Республика салайааччытынан үлэлээбит намнар киэн туттар биир дойдулаахпыт, уһулуччулаах государственнай уонна политическай деятель Илья Егорович Винокуров Эдьигээн, Булуҥ, Кэбээйи оройуоннарыгар күүс өттүнэн көһөрүллүбүт Чурапчы дьонун дойдуларыгар төнүннэриигэ сүдү үтүөтүн махталыгар киниэхэ анаммыт мемориальнай дуоска үөрүүлээх быһыыга-майгыга арылынна. Бэлиэ күҥҥэ анаммыт миитиҥҥэ Нам улууһун баһылыга Юрий Слепцов, Ленскэй нэһилиэгин баһылыга Петр Сокольников Илья Егорович Винокуров норуотугар тугунан да кэмнэммэт сүдү үтүөтүн ахтан-санаан туран барҕа махтал тылларын анаатылар.