Ол кэнниттэн Көбөкөн, Ленскэй, Хатыҥ-Арыы, Никольскай нэһилиэктэрин баһылыктара, тустаа...
Ол кэнниттэн Көбөкөн, Ленскэй, Хатыҥ-Арыы, Никольскай нэһилиэктэрин баһылыктара, тустаах специалистара уонна Бурцев Евгений Михайлович — Россия Социальнай пуондатын (СФР) Саха Сиринээҕи салаатын Намнааҕы клиентскай сулууспатын салайааччыта итиитик-истиҥник эҕэрдэлээтилэр, сэмэй бэлэхтэрин туттардылар. «Күндү, ытык-мааны дьоммут! Сарын-сарыннытыгар өйөнсөн, тапталгыт уотун сылааһыгар бигэнэн, өссө да уһуннук, дьоллоохтук айа-тута олоруҥ!». Бу кэрэ күн «Дьоллоох буолуҥ, доруобай буолуҥ!» диэн баҕа тылларынан ситимнэнэн ситиһиилээхтик түмүктэннэ. Үбүлүөйдээх мааны ыалларбыт, кинилэр чугас дьоно уонна үөрүүнү тэҥҥэ үллэстибит бары кыттааччылар бу ураты күнү үйэтитэр сыалтан өйдөбүнньүк уопсай хаартыскаҕа түстүлэр. Бу үрдүк таһымнаахтык ыытыллыбыт тэрээһин улуус олохтоохторугар дьиэ кэргэн сыаннастарын уонна үйэлээх таптал үтүө холобурун өссө төгүл бигэргэттэ.⤵️