Улуус баһылыга Юрий Иннокентьевич ис сүрэхтэн итиитик-истиҥник эҕэрдэлээн туран, ытык д...
Улуус баһылыга Юрий Иннокентьевич ис сүрэхтэн итиитик-истиҥник эҕэрдэлээн туран, ытык дьоммут улуус дьонугар-сэргэтигэр уонна кэлэр көлүөнэ ыччакка үтүө холобур буолалларын бэлиэтээтэ, кинилэргэ кытаанах доруобуйаны уонна уһун дьоллоох олоҕу баҕарда. Муниципалитет таһымыгар ыытыллар маннык тэрээһиннэр дьиэ кэргэн институтун бөҕөргөтөргө, ыччаты дойдуга бэриниилээх, эппиэтинэстээх гына иитэн таһаарарга улахан суолталаахтар.Бу бэлиэ тэрээһин улууска алтыс сылын ыытыллар. Бу кэм тухары убаастабыллаах 86 ыал чиэстэнэн, биир кэмнээх харчынан төлөбүр сертификаттарын тутутулар. Өр сылларга бииргэ олорбут ытык кэргэнниилэр сырдык олохторун үйэтитэр уонна кэлэр көлүөнэҕэ холобур оҥорор сыаллаах «Кыһыл көмүс дьиэ кэргэн» диэн анал кинигэ бэчээттэнэн тахсыбыта.⤵