«Биир санаанан – биир сомоҕо» көмө акция салҕанар!
«Биир санаанан – биир сомоҕо» көмө акция салҕанар! Билигин Нам улууһун нэһилиэктэринэн биир дойдулаахтарбытыгар, байыаннай дьайыы кыттыылаахтарыгар анаан анал тэриллэри, сылаас таҥаһы уонна наадалаах табаардары атыылаһан тиэрдэр сыаллаах көмө акциялар бара тураллар. Бары биир санаанан салайтаран, ытык иэстэрин толоро сылдьар буойун уолаттарбытыгар тирэх - өйөбүл буолуохха, санааларын көтөҕөн бэйэбит кылааппытын киллэриэххэ! Көмө хомуурун графига: Алтынньы 15 күнүгэр (бүгүн): 18:00 чааска диэри нэһилиэктэр олохтоох дьаһалталарын дьиэлэригэр баар анал уурунаҕа (ящикка) угуоххутун сөп. Алтынньы 16 күнүгэр (сарсын): М.К. Аммосов аатынан культура уонна духуобунай сайдыы дыбарыаһыгар 10:00 чаастан 20:00 чааска диэри харчынан анал уурунаҕа угуоххутун сөп. Алтынньы 25 күнүгэр диэри: Сбербанк дьиэтин 2-с этээһигэр (кииннэммит бухгалтерияҕа) туттарыахха сөп. Ытыктабыллаах биир дойдулаахтарбыт! Буойун уолаттарбытыгар көмөлөһөр акцияттан туора турбакка, хас биирдиибит күүс-көмө, өйөбүл буолуоххайын диэн ыҥырабыт! Хаартыскаҕа: Бүгүн Партизаҥҥа уонна Көбөкөҥҥө акция түгэннэрэ. «Нам улууһа» МО пресс-сулууспата