Киэн туттар биир дойдулаахпытын, Нам улууһун бочуоттаах гражданинын, РФ спорка үтүөлээх...
Киэн туттар биир дойдулаахпытын, Нам улууһун бочуоттаах гражданинын, РФ спорка үтүөлээх маастарын, РФ спорка үтүөлээх тренерин, Россия тустуу федерациятын, көҥүл тустууга салаатын салайааччытын Юмшанов Петр Петровиһы улуус салалтатын, общественноһын уонна олохтоохторун ааттарыттан төрөөбүт күҥҥүнэн итии-истиҥ эҕэрдэбитин тиэрдэбит! Убаастабыллаах Петр Петрович! Улууска, республикаҕа, Дойдуга көҥүл тустуу сайдыытыгар киллэрэр сүҥкэн кылааккын үрдүктүк сыаналыыбыт уонна эйигинэн киэн туттабыт. Эн бэйэҥ спорт үрдүкү чыпчаалын дабайбытын, билигин үүнэр көлүөнэни спорт эйгэтигэр уһааран, дьарыктаан улахан көбүөрдэргэ чиэстээхтик кытыннараҕын. Ону сэргэ улууспут социальнай-экономическай сайдыытыгар тугунан да кэмнэммэт кылааттааххын. Ил Түмэн депутатынан үлэлиир кэмнэргэр араас хабааннаах үлэни туруорсаҥҥын ыыппытыҥ. Көҥүл тустуу сайдарыгар туһуламмыт бырайыактаргын олоххо киллэрээри дьаныардаахтык үлэлииргэр-хамныыргар барҕа махталбытын тиэрдэбит. Сыраны-сылбаны эрэйэр үлэҕэр чаҕылхай ситиһиилэри, үрдүк көрдөрүүлэри, тус олоххор кытаанах доруобуйаны, дьиэ кэргэҥҥэр этэҥҥэ буолууну баҕарабыт! Убаастабылы кытта, "Нам улууһа" муниципальнай оройуон баһылыга Юрий Иннокентьевич Слепцов