Алтынньы 21 күнүгэр Нам сэлиэнньэтигэр, М.К. Аммосов аатынан култуура уонна духуобунай...
Алтынньы 21 күнүгэр Нам сэлиэнньэтигэр, М.К. Аммосов аатынан култуура уонна духуобунай сайдыы дыбарыаһыгар, Нам улууһугар үөрэҕирии ситимэ тэриллибитэ 155 үбүлүөйдээх сылыгар анаммыт үөрүүлээх мунньах өрө көтөҕүллүүлээхтик буолан ааста. Бэлиэ түгэҥҥэ республика, улуус үөрэҕин салалталара, үөрэх эйгэтин үлэһиттэрэ, педагогическай үлэ бэтэрээннэрэ кыттыыны ыллылар. Үөрүүлээх тэрээһин «155-летие системы образования Намского улуса» видеофильмы көрүүттэн саҕаланна. Мунньах кыттыылаахтарын Нам улууһун үөрэҕириигэ Управлениетын начальнига Мария Игнатьева, “Нам улууһа” МО баһылыга Юрий Слепцов, СР Үөрэҕин уонна наукатын миниистирин солбуйааччы Владислав Хабаров, СР үөрэх сайдыытын уонна учууталлар идэлэрин үрдэтэр институттан Валентина Егорова, СР Наукатын дьоҕус академиятын директора Василий Павлов, улуус депутааттарын сэбиэтин бэрэссэдээтэлэ Алексей Винокуров, Дьокуускай куораттан социальнай партнердар – М.К. Аммосов аатынан Хотугулуу-Илиҥҥи федеральнай университет физическэй культура уонна спорт институтун ректора Николай Гоголев, Н.Е., П.Н. Самсоновтар ааттарынан Хатас оскуолатын директора Николай Слепцов, нэһилиэктэр баһылыктара, тэрилтэлэр салайааччылара эҕэрдэлээтилэр. Улуус үөрэҕириигэ Управлениетын начальнига Мария Игнатьева эҕэрдэ тылларын анаата уонна үөрэх тэрилтэлэригэр өйөбүлүн иһин махталын улуус баһылыгар Юрий Слепцовка тиэртэ.