Дьокуускай куораттан Саха Өрөспүүбүлүкэтин Ил Дархана Айсен Николаев, Бырабыыталыстыба ...
Дьокуускай куораттан Саха Өрөспүүбүлүкэтин Ил Дархана Айсен Николаев, Бырабыыталыстыба Бэрэссэдээтэлин солбуйааччы Георгий Степанов уонна Доруобуйа харыстабылын миниистирэ Лена Афанасьева быһа эфиргэ тахсан, биир кэмҥэ өроспүүбүлүкэ араас улуустарыгар тутуллубут биэс саҥа модульнай амбулатория үлэҕэ киирэрин биллэрдилэр. Улуус олохтоохторун уонна салалтатын аатыттан киин балыыһа кылаабынай бырааһа Ариан Сергеев Ил Дархан Айсен Николаевка уонна өрөспүүбүлүкэ салалтатыгар дириҥ махталын биллэрдэ, ону тэҥэ нэһилиэк, улуус олохтоохторугар эҕэрдэтин тиэртэ. Хамаҕаттаны кытта тэҥҥэ бүгүн өрөспүүбүлүкэ үрдүнэн өссө түөрт аныгы модульнай медицинскай эбийиэк аһылынна: 1. Дьокуускай куорат, Марха микрорайон — «Дьокуускайдааҕы 2 №-дээх куорат балыыһата» ГБУ саҥа амбулаторията. 2. Уус-Алдан улууһа, Бэйдиҥэ нэһилиэгэ — Бэйдиҥэтээҕи быраас амбулаторията. 3. Үөһээ Бүлүү улууһа, Ботулуу нэһилиэгэ — Ботулуутааҕы быраас амбулаторията. 4. Ньурба улууһа, Чаппанда нэһилиэгэ — Чаппандатааҕы быраас амбулаторията. ⤵️