Сүрүн сыал-сорук — иитии боппуруостарыгар киирбит саҥа уларыйыылары олоххо киллэрии, тэ...
Сүрүн сыал-сорук — иитии боппуруостарыгар киирбит саҥа уларыйыылары олоххо киллэрии, тэрилтэлэр бэйэ-бэйэлэрин кытта ситимнээх үлэлэрин күүһүрдүү, практическай көмө уонна сүбэ-ама оҥоруу. ✅Улуус баһылыга Юрий Слепцов улуус оскуоларын оҕолоругар аналлаах куруһуогу арыйан, старославянскай тылы ааҕыыга уонна историяны үөрэтиини тэрийэр туһунан этии киллэрдэ. Кини бу улахан интэриэһи тардар саҥа хайысха ураты туһалаах уонна интэриэһинэй буоларын бэлиэтээтэ. ✅Ону таһынан, нэһилиэктэргэ баар култуура нэһилиэстибэтин объектарын (объекты культурного наследия) учуоттааһын уонна реестрга киллэрии үлэлэрин түргэтитэргэ, күүһүрдэргэ сорудахтаата. ✅Кэлэр 2027 сыл муус устарыгар «Якутский острог – форпост освоения Северо-Востока Азии» диэн бүтүн Россиятааҕы научнай сессия ыытыллара былааннанар. Улуус баһылыга бу үрдүк таһымнаах тэрээһин бэлэмнэнии үлэлэрин билигиҥҥэттэн саҕалыырга дьаһал биэрдэ. ✅Нам улууһугар В. А. Вонгродскай аатынан Дьокуускайдааҕы медицинскэй колледж 15 миэстэлээх филиалын арыйар туһунан сөбүлэҥи түһэрсиигэ үлэлэр уонна кэпсэтиилэр ыытыллалларын иһитиннэрдэ. ✅Тыа хаһаайыстыбатын объектарын тутуу хаамыытын түргэтэр боппуруоһу туруорда. Ол курдук, «Дьоҕус кыамталаах тыа хаһаайыстыбатын объектарын тутуу» программа былаһыанньатынан уонна дуогабарынан субсидия ылбыт кооперативтар, бааһынай хаһаайыстыбалар тутуулары график быһыытынан, бу сыл бүтүөр диэри болдьоҕор түмүктүөхтээхтэр диэтэ. Улуустааҕы тыа хаһаайыстыбатын управлениетын салайааччытыгар Владимир Макаровка хаалбыт үлэлэри тус хонтуруолга ылан тэтимирдэргэ сыал - сорук туруорда. ✅КУМИ специалиһа Марфа Сивцева нэһилиэк баһылыктарыгар 2027 сылтан «Цифровой двойник» саҥа систиэмэ үлэҕэ киирэрин билиһиннэрдэ. Кэлэр сылга систиэмэҕэ улуустан биир нэһилиэк киирэн үлэлиэн сөбүн туһунан балаһыанньаны кэпсээтэ. Бу систиэмэ улуус уонна нэһилиэк сирдэрин, тутууларын уонна кыраныыссаларын чопчу көрдөрөр электроннай каарта буолар. Кини олоххо киирдэҕинэ, сир бары докумуоннара компьютерга биир кэлим таҥыллан көстүөхтэрэ. Манан сир ханна баарын, ким бас билиитигэр турарын уонна хайдах туһанылларын түргэнник бэрэбиэркэлиэххэ сөп буолуоҕа. ✅«Якутия, вперед!» өрөспүүбүлүкэтээҕи кадровой конкурска Нам улууһун хамаандата кыттыыны ылбытын туһунан улуус баһылыгын социальнай боппуруостарга солбуйааччыта Егор Протопопов иһитиннэрдэ. Бу тэрээһин муниципальнай хамаандалары сомоҕолуур, улуустар сайдыыларын кэскиллээх бырайыактарын дьүүлгэ таһааран көмүскүүр уонна саҥа салайааччыларга практическай уопут биэрэр сыаллаах ыытыллар. Мунньах түмүгүнэн улуус баһылыга Юрий Слепцов бу нэдиэлэҕэ былааннаммыт мунньахтар уонна тэрээһиннэр былааннарын билиһиннэрдэ. Юрий Иннокентьевич тэрилтэ салайааччыларын, нэһилиэк баһылыктарын былааннаммыт тэрээһиннэргэ актыыбынайдык кыттыыны ылалларыгар ыҥырда. Улуус үрдүнэн чааһынай дьиэлэргэ, элбэх дьон олорор квартираларыгар уонна тэрилтэлэригэр автономнай дымовой пожарнай извещателлары (АДПИ) туруорууну күүһүрдэргэ, ону тэҥэ дьиэлэринэн сылдьан баһаартан сэрэхтээх буолуу сырдатыы-өйдөтүү үлэлэрин күүһүрдэргэ сыал-сорук туруорда. «Нам улууһа» МО пресс-сулууспата