✅Бүгүҥҥү күн туругунан улуус үрдүнэн нэһилиэнньэ диспансеризацияны барыытын былаана 75,...
✅Бүгүҥҥү күн туругунан улуус үрдүнэн нэһилиэнньэ диспансеризацияны барыытын былаана 75,0 %-ҥа, онтон флюорографияны ааһыы 57,2 %-ҥа тэҥнэспит. ✅Улуустааҕы Социальнай харалта управлениетын салайааччыта Людмила Петрова социальнай контракка төһө квота хаалбытын билиһиннэрдэ. Хаалбыт квоталар: - Бэйэ дьыалатын тэринии (ИП/Самозанятость) — 3 квота; - СВО кыттыылааҕар бэйэ дьыалатын тэриниитигэр — 1 квота; - Кэтэх хаһаайыстыбаны тэринии, техника атыылаһыыта (ЛПХ) — 4 квота. ✅Бизнес-киин директора Борис Бугаев ахсынньы 16-17 күннэригэр ыытыллар Нам улууһуттан төрүттээх, куоракка олорор уонна олохтоох эдэр предпринимателлэргэ аналлаах форум 4 секциянан ыытылларын туһунан иһитиннэрдэ уонна тэрээһин боппуруостарын сырдатта. ✅Улуустааҕы үөрэх управлениетын начальнига Мария Игнатьева оскуолаларга күһүҥҥү каникул алтынньы 26 күнүттэн саҕаланан, сэтинньи 4 күнүгэр диэри салҕаныаҕын туһунан иһитиннэрдэ. Ону тэҥэ, каникул кэмигэр каникулярнай тэрээһиннэр уонна консультациялар ыытыллалларын туһунан эттэ. Алтынньы 29 күнүгэр Үөрэх уонна наука министерствотын иитэр үлэҕэ өрөспүүбүлүкэтээҕи штаба улуус үөрэх тэрилтэлэригэр методическай көмө оҥоро кэлиэҕэ. Делегацияны миниистир бастакы солбуйааччыта Ньургун Павлов салайыаҕа. Тэрээһиҥҥэ общественнай тэрилтэлэр («Движение первых», «Юные якутяне», «Навигаторы детства», «Зарница», «Орлята-дошколята», «Юнармия») представителлэрэ кыттыыны ылыахтара. ⤵