Салгыы иккис боппуруоһунан Нам улууһун проектнай отдел специалиһа Айсиэн Жирков Партиза...
Салгыы иккис боппуруоһунан Нам улууһун проектнай отдел специалиһа Айсиэн Жирков Партизан нэһилиэгин сиригэр тутуллар «Саха олоҕо» диэн архитектурнай-этнографическай музей-заповедник бырайыагын билиһиннэрдэ. Бырайыак улуус туризмын сайыннарыыга уонна олохтоох урбаанньыттар бэйэ оҥорон таһаарар бородууксуйаларын уонна табаардарын, өҥөлөрүн атыылыылларыгар кыаҕы биэрэрэ бэлиэтэннэ. Мунньах түмүгүнэн, бу былааннаах үлэҕэ ханнык урбаанньыттар талыллан кыттыахтаахтарын чуолкайдыырга уонна кинилэри кытта үлэлэһэргэ Координационнай сэбиэт чилиэннэригэр сорудах турда. Үһүс боппуруоһунан саха аһын маастарыгар анаммыт «Иннокентий Тарбахов. Саха аһын нэһилиэстибэтэ», «Ааспыты харыстыыбыт, кэскили айабыт» диэн улуустааҕы уонна өрөспүүбүлүкэтээҕи конкурсу тэрийии боппуруоһа көрүлүннэ. Бизнес-киин дириэктэрэ Борис Бугаев куонкурус балаһыанньатын сиһилии билиһиннэрдэ. Бу тэрээһин Нам сиригэр общественнай аһылык (общепит) эйгэтин үрдүк таһымҥа таһаарар уонна туристары тардар суолталааҕа бэлиэтэннэ. Түмүккэ ахсынньыга улууска «Контактар биржалара» диэн урбаанньыттар форумнарын тэрийии туһунан кэпсэтии буолла. Бу форум урбаанньыттар бэйэ-бэйэлэрин кытта саҥа сибээстэри олохтуулларыгар, бииргэ үлэлииллэригэр уонна бииргэ үлэлиир бырайыактары олоххо киллэрэллэригэр анаан тэриллэрэ былааннанар. Координационнай совет чилиэннэрэ мунньахха көхтөөх кыттыыны ыллылар. Элбэх интэриэһиргиир боппуруостарыгар хоруйдары ыллылар уонна инники былааннары торумнаатылар. Мунньах түмүгүнэн протокол сурулунна. «Нам улууһа” МО пресс-сулууспата