Алтынньы 28 күнүгэр үгүс көлүөнэ ыччаты үнкүү кэрэ эйгэтигэр уһуйбут, А.Н. Окоемов аат...
Алтынньы 28 күнүгэр үгүс көлүөнэ ыччаты үнкүү кэрэ эйгэтигэр уһуйбут, А.Н. Окоемов аатынан "Мичээр" үнкүү народнай ансаамбылга хореограбынан үлэлээбит СР култууратын туйгуна, эрэллээх кэргэн, истиҥ ийэ, дьүөгэ Эдуара Ивановна Сергеева сырдык аатын үйэтитэр сыаллаах, өр сылларга таһаарыылаахтык үлэлээбит сиригэр, "Алгыс" норуот айымньытын киинигэр, өйдөбүнньүк стендэ аһыллар бэлиэ түгэнэ ыытылынна. Биһиги нэһилиэкпитигэр Эдуара Ивановна курдук талааннаах киһи кэлэн нэһилиэк култуурата сайдыытыгар сүҥкэн кылааты киллэрэн, күн бүгүн нэһилиэкпит "Үнкүүһүт нэһилиэк" аатын илдьэ сылдьарыгар элбэх сыратын уурбута. Тэрээһиҥҥэ кыттыыны ыллылар: "Алгыс" НАК коллектива, нэһилиэк депутааттарын сэбиэтин председателэ Ю.А. Николаев, ансаамбыл иитиллээччилэрэ, выпускниктара, төрөппүттэрэ Валентина Эдуардовна уонна Иван Дмитриевич Яковлевтар, кэргэнэ Олег Алексеевич Сергеев, кыыһа, күтүөтэ, аймах-билэ дьоно. Үҥкүү алыптаах кэрэтин, сырдыгын сахпыт, үрүҥ күн сандаарар күлүмүн мичээринэн угуттаабыт үтүө доҕорбут сырдык мөссүөнэ куруук арыаллыы, ситииһигэ кынаттыы туруоҕа... Хомустаах Бастакы нэһилиэгин "Алгыс" норуот айымнытын киинин коллектива