Убаастабыллаах тренердэр, физическэй культура учууталлара уонна Нам улууһун спордун үтү...
Убаастабыллаах тренердэр, физическэй культура учууталлара уонна Нам улууһун спордун үтүөлээх ветераннара! Эһигини идэлээх бырааһынньыккытынан – Бүтүн Россиятааҕы Тренер күнүнэн эҕэрдэлиибин! Кэнники сылларга улууспут олохтоохторо спордунан дьарыктаныылара уонна чөл олоҕу тутуһуулара күүһүрдэ. Биһиги аан дойдутааҕы, норуоттар икки ардыларынааҕы, Россиятааҕы, регионнааҕы спортивнай күрэхтэһиилэргэ улууспут чиэһин ситиһиилээхтик көмүскүүр биир дойдулаахтарбыт кыайыыларынан киэн туттабыт. Хас биирдии саҥа ситиһии, хас биирдии рекорд күүстээх, сыаллаах-соруктаах дьарык, кыайыыга дьулуур түмүгэр кэлэрин биһиги бары билэбит. Онуоха эһиги идэҕитигэр, талбыт дьыалаҕытыгар тапталгыт, бэриниигит, иитиллээччилэргитигэр киһилии ийэлии-аҕалыы күннээҕи кыһамньыгыт сүрүн оруолу ылар. Бу бэлиэ күн биһиги Нам улууһун спордун сайдыытыгар улахан кылааттарын киллэрбит ветераннарбытыгар ураты махтал тылларын этэбит. Убаастабыллаах тренердэрбит! Инникитин даҕаны иитиллээччилэргит үрдүктэн үрдүк ситиһиилэри аҕала турдуннар. Тус бэйэҕитигэр кытаанах доруобуйаны, дьоллоох-соргулаах олоҕу баҕарабын. Убаастабылы кытта, “Нам улууһа” МО баһылыга Юрий Иннокентьевич Слепцов