Лиссиэйгэ 30 сыл устата 85 омук сирин учуутала француз тылын кэлэн үөрэттилэр. «Хотугу...
Лиссиэйгэ 30 сыл устата 85 омук сирин учуутала француз тылын кэлэн үөрэттилэр. «Хотугу форум» хотугу регионнар аан дойдутааҕы тэрилтэлэрин толорооччу директора Владимир Васильев, Хотугу форум оскуолаларын ассоциациятын үөрэх программаларын координатора Мария Кривцова эҕэрдэ бастыҥын анаатылар. Салгыы Директордар сэбиэттэрин бэрэссэдээтэлэ Александр Дмитриев салайааччылаах Нам улууһун оскуолаларын директордара эҕэрдэлэрин тиэртилэр. Лиссиэй тутаах дьоно, төрөппүттэр, бары ыытыллар тэрээһиннэргэ көхтөөхтүк кытталлар, оҕону иитиигэ-үөрэтиигэ, оскуола материальнай баазата бөҕөргүүрүгэр бастыҥ көмөлөһөөччүлэринэн буолаллар. Төрөппүт сэбиэтэ сыл ахсын араас интэриэһинэй бырайыактары оҥорон оҕо сайдыытыгар ситимнээхтик үлэлэһэр. Бу курдук үгүс ыччат кынат анньынан тахсыбыт тапталлаах оскуолата дьонун-сэргэтин мунньан үбүлүөйдээх дьоро күнүн дьоллоно көрүстэ, саҥа үйэҕэ үктэннэ! Убаастабыллаах лиссиэй үлэһиттэрэ, бэтэрээннэрэ,үөрэнээччилэрэ, бары күүс-көмө буолар дьоннор! Элбэх ыччаты билиигэ, кэрэҕэ уhуйбут, олох киэҥ аартыгар көтүппүт тапталлаах лиссиэйбит үүнэ-сайда, чэчирии тур, үтүө аатыҥ үйэлэри уҥуордаан үтүө тылынан ааттана туруохтун! “Нам улууһа” МО пресс-сулууспата