Анастасия Николаевна Божедоноваҕа "Дети Саха-Азия" норуоттар икки ардыларынааҕы фонда ...
Анастасия Николаевна Божедоноваҕа "Дети Саха-Азия" норуоттар икки ардыларынааҕы фонда бэрэссэдээтэлинэн үлэлии сылдьан оскуола материальнай баазатын хаҥатыыга, "Обжектив монд" аан дойдутааҕы ассоциация президенэ Франсин Обрины кытта сибээс олохтуурга улахан көмөнү оҥорбутун иһин махтал тыллара этилиннилэр. Харда тыл СӨ үөрэҕириитин үтүөлээх үлэһитэ, француз тылын преподавателлэрин ассоциациятын Президенэ, социалогическай наука кандидата Анастасия Божедоноваҕа бэрилиннэ. Үөрэх эйгэтигэр норуоттар икки ардыларынааҕы сибээстэр сайдыылара саҥа саҕахтары арыйар. Бүгүн лицеистар кытай тылын, култууратын уонна дойду устуоруйатын үөрэтэллэр. Үһүс сылын үөрэнээччилэр Байдайхэ куоракка тыл стажировкатын ааһаллар. Махтал тыллара үгүс сыллар усталарыгар оскуоланы кытта бииргэ үлэлэһэр меценаттарга, тэрилтэлэргэ, оскуола тэрээһиннэрин ыытыыга көмөлөһөр, өйүүр социальнай партнердарга, идэҕэ хайысхалааһыҥҥа көхтөөхтүк кыттар бары меценаттарга, попечителлэргэ уонна тэрилтэлэргэ - Клод Марк Каминскайга, Божедонова Анастасия Николаевнаҕа, Саввинов Алексей Егоровичка, Саввинова Екатерина Гаврильевнаҕа, Кузьмин Алексей Алексеевичка, Готовцев Иннокентий Никитичка, Готовцев Дьулустаан Иннокентьевичка, Куличкин Иннокентий Николаевичка, Березкин Эрнст Борисовичка, Новгородова Ольга Ивановнаҕа, Илья Ильич уонна Лидия Владиславовна Куличкиннарга, Франсин Обрига, Винокурова Матрена Егоровнаҕа, Сидорова Вера Ивановнаҕа, Артамонова-Бондаренко Юлия Витальевнаҕа, Местников Гаврил Гарильевичка - этилиннилэр. Попечитель, лиссиэй улахан доҕоро Гаврил Местников эҕэрдэлээтэ.