«Газпром недра» (ПФ «Томскгазгеофизика») компания представителя республикаҕа ыытыллар б...
«Газпром недра» (ПФ «Томскгазгеофизика») компания представителя республикаҕа ыытыллар бырайыак Нам улууһугар хайдах киирэн үлэни ыытарын туһунан кэпсээтэ. Кини бэлиэтээбитинэн, бу иннинэ Горнай улууһугар чинчийиилэри ыыппыт тэрилтэ, Партизантан Хатырыкка диэри мыраан үрдүнэн нефть уонна гаас месторождениеларын (баар сирдэрин) булар соруктаах сейсморазведка үлэлэрин былаанныыр. Бу былааны олоххо киллэрэр сыаллаах, анал техника сырыытыгар уонна чинчийэр тэриллэри туруорууга анаан тыа сирин мастарын кэрдэн ыраастааһын (просекалары таһаарыы) үлэтэ ыытыллыаҕа. Бу үлэлэр улуус уонна нэһилиэктэр дьаһалталарын, тустаах тэрилтэлэри кытта ситимнээхтик, көҥүл ылан ыытылларын эттэ. ✅Улуустааҕы Социальнай харалта управлениетын салайааччыта Людмила Петрова социальнай контракка төһө квота хаалбытын билиһиннэрдэ. ✅Экономика управлениетын проектнай отделын салайааччыта Розалия Новгородова иһитиннэрбитинэн, былааннаммыт график быһыытынан нэһилиэктэргэ бэйэлэринэн баран, онтон ыраах сытар сирдэргэ ВКС сибээһинэн ТОС-тары, НКО-лары арыйыыга уонна проект суруйуутугар көмөлөһөр анал үөрэхтэри саҕалаан ыытыахтара. "Нам улууһа" МО пресс-сулууспата