Бу курдук дьоро киэһэни улууспутун дорҕоонноохтук ааттатар, дьон-сэргэ сэҥээриитин ыла...
Бу курдук дьоро киэһэни улууспутун дорҕоонноохтук ааттатар, дьон-сэргэ сэҥээриитин ылар ийэлэрбит, эбээлэрбит ылбаҕай ырыалара, чаҕылхай үҥкүүлэрэ силигин ситэрэн-хоторон биэрдилэр. Кэнсиэри Сэбэрэкэ Сандаарыйа Куо Алтай кыыһа бэрт сэргэхтик иилээн-саҕалаан ыытта. Киирии билиэтинэн «Күһүнҥү киһи күлбүтүнэн» сыаналаах бириистэр оонньоннулар. Көрөөччүлэр, кыттааччылар дуоһуйа сынньанан, үөрэн-көтөн өттүк харалаах, илии тутуурдаах тарҕастылар. Тэрийээччилэр кэнсиэргэ кыттыбыт улууспут бары общественнай үлэни өрө туппут кэрэ аҥардарыгар, спонсордарга, «Чороон» норуот айымньытын киинин үлэһиттэригэр умнуллубат киэһэни бэлэхтээбиккитигэр барҕа махталларын тиэрдэллэр. Бу барыта дьахтар хамсааһынын историята, сомоҕолоһуута, улууспут сайдарын туһугар түмсүүлээх үлэ түмүгэ буоллаҕа! Кыттыыны ылбыт хас биирдии көрөөччүгэ махтанан туран, барыгытыгар үтүө доруобуйаны, этэҥҥэ буолууну, үөрүүнү-көтүүнү, дьолу-соргуну, сарсыңңыга эрэллээх ыра санааны баҕарабыт! Нам улууһун дьахталларын күүһэ түмсүүгэ уонна сомоҕолоһууга!!! “Нам улууһа” МО пресс-сулууспата
Канал в каталоге Максиметера
552 подписчиков · Госорганы и учреждения