Бүгүҥҥү дьоро киэһэни Наммыт улууһун дьахтар түмсүүтүн салайааччыта, “Нам улууһун култу...
Бүгүҥҥү дьоро киэһэни Наммыт улууһун дьахтар түмсүүтүн салайааччыта, “Нам улууһун култууратын сайдыытыгар кылаатын иһин” бэлиэ хаһаайката, “Ай-ыллаа” ырыа ансаамбылын салайааччыта, А.Ф. Шестаков аатынан улуустааҕы норуот айымньытын дьиэтин специалиһа Ирина Семеновна Винокурова иилээн-саҕалаан тэрийдэ. Ирина Семеновна ураты көрүүлээх, айар үлэ абылаҥар ылларбыт, ырыаны сүрэҕэр иҥэриммит уонна дьону түмэр дьоҕурдаах салайааччы буолар. Кини үгүс үлэни ыытан кэллэ уонна инникитин өссө да элбэҕи айар-тутар былааннаах. Ирина салайар «Ай-ыллаа» бөлөҕө Наммыт улууһугар биир бастыҥ айар коллектив буолар. Ансаамбыл былырыын баччаларга тэриллибитэ 5 сылын үрдүк таһымнаахтык бэлиэтээбитэ.
Канал в каталоге Максиметера
552 подписчиков · Госорганы и учреждения