Бастакы Хомустаах нэһилиэгэр дьахтар сэбиэтин 2019 сылтан Татьяна Николаевна Соловьева ...
Бастакы Хомустаах нэһилиэгэр дьахтар сэбиэтин 2019 сылтан Татьяна Николаевна Соловьева салайар. Нэһилиэккэ дьахтар сэбиэтэ саамай төһүү күүс буолар. Түмсүү субуотунньуктарга, акцияларга кыттыһар, тэрээһиннэри көҕүлүүр. 2024 сыллаахха дьахтар түмсүүтэ тэриллибитэ 65 сылын көрсө “Дьахтар олоҕу түстүүр” кинигэлэрин таһаарбыттара. Анна Новгородова салайааччылаах “Ретро-мода” кулууп үлэлээбитэ номнуо 15 сыла буолбут. Бастаан оҕо уһуйаанын иһинэн арыллыбыта, онтон сылын аайы кэҥээн, улууска үөрэх үлэһиттэрин ыһыаҕар кыттыбыттара, Саҥа Дьыллааҕы серпантин кыайыылаахтарынан буолбуттара. Кинилэр коллекцияларыгар 1960 сыллартан саҕалаан атах таҥастара, суумкалар, былааттар, оҕуруолар, былааччыйалар, плащтар, о.д.а. бааллар. Түмсүү дьахтар урукку кэмҥэ хайдах таҥнан, бэйэтин көрүнэн сылдьыбытын сырдатар аналлаах.
Канал в каталоге Максиметера
552 подписчиков · Госорганы и учреждения