Намнар киэн туттар биир дойдулаахпыт, Саха Республикатын норуодунай худуоһунньуга, уус-...
Намнар киэн туттар биир дойдулаахпыт, Саха Республикатын норуодунай худуоһунньуга, уус-уран оҥоһук маастара Анна Николаевна Зверева «От ремесла к искусству: теория и практика художественного творчества. Из опыта авторской школы Анны Зверевой» альбом-монографията Владивосток куоракка ыытыллыбыт «Печатный Двор» Уһук-Илиҥҥи кинигэ быыстапка-дьаарбаҥкатыгар «Бастыҥ кыраайы үөрэтэр таһаарыы» номинацияҕа дипломунан уонна кыһыл көмүс мэтээлинэн бэлиэтэннэ! Убаастабыллаах Анна Николаевна! Киһи аймах, уопсастыбаннас Эн сүдү дьоҕургун үрдүктүк сыаналаан Уһук-Илинӈи кинигэ таһаарар киин фестивалыгар альбом-кинигэҥ кыһыл көмүс мэтээлинэн бэлиэтэммитинэн ис сүрэхпиттэн эҕэрдэлиибин! Төрөөбүт-үөскээбит Аппааныҥ аатын Саха сиригэр эрэ буолбакка, Бүтүн Россияҕа, Аан дойдуга ааттаппыт биир киэн туттар киһибит буолаҕын. Эн саха норуотун былыргы үгэстэрин, уус-уран оҥоһуктарын чинчийэн кэлэр көлүөнэҕэ тиэрдэр сыаллаах өр сылларга дьаныардаахтык үлэлээн кэллиҥ. Норуот маастардарын иитиигэ уонна декоративнай-прикладной искусствоны сайыннарыыга сүдү кылааккын киллэрдиҥ. Эн тэрийбит ааптарскай оскуолаҥ аан дойдуга тиийэ тиийэ билиниини ылла. Күндү киһибит! Айар кутуӈ сайда турдун, чөл, чэгиэн туруктаах этэӈӈэ сырыт диэн алгыспын тиэрдэбин! Киэн туттабыт, өссө да үрдүктэн үрдүк ситиһиилэри баҕарабыт! Ытыктабылы кытта, Нам улууһун баһылыга Юрий Иннокентьевич Слепцов
Канал в каталоге Максиметера
555 подписчиков · Госорганы и учреждения