Бүгүн Дьокуускайга ыытыллыбыт антифашистскай форум үөрүүлээх чааһыгар Хатыҥ Арыыттан Ма...
Бүгүн Дьокуускайга ыытыллыбыт антифашистскай форум үөрүүлээх чааһыгар Хатыҥ Арыыттан Мальцева Дария Ивановна Ил Дархан Айсен Николаев бу дьыл сэтинньи 3 күнүнээҕи 1083№-дээх дьаһалынан Саха Республикатын «Амарах сүрэх» Бочуоттаах бэлиэтинэн наҕараадаланна! Дария Ивановна 2023 сылтан «Сыдьаайа» иистэнньэҥнэр бөлөхтөрүн салайан биир дойдулаах буойуттарбытыгар таҥас тигэн ыытар, госпитальга сытар саха байыастарыгар көмөлөһөр. Сыдьаайалар «Илии сылааһа» республикатааҕы күрэххэ хаһыс да сылын ситиһиилээхтик кытталлар. Ону сэргэ Дария Ивановна салайар Хатыҥ Арыы нэһилиэгин дьахтар сэбиэтэ улууска, республикаҕа ыытыллар үгүс аһымал тэрээһиннэргэ көхтөөхтүк кыттан Кыайыыны чугаһатыыга бэйэтин кылаатын киллэрэр. Ытыктабыллаах Дария Ивановна! Эйигин өр сыллаах үтүө санааланыы холобурун көрдөрөр общественнай үлэҥ биһирэбили ылбытынан ис сүрэхпититтэн эҕэрдэлиибит. Кытаанах доруобуйаны, дьиэ кэргэҥҥэр дьолу-соргуну, үлэҕэр ситиһиилэри баҕарабыт. Эйигинэн, чулуу лидер киһибитинэн, киэн туттабыт! «Нам улууһа» МО пресс-сулуусата
Канал в каталоге Максиметера
555 подписчиков · Госорганы и учреждения