Бүгүн Дьокуускайга Ил Дархан Айсен Николаев улуус баһылыга Юрий Слепцовка оскуола авто...
Бүгүн Дьокуускайга Ил Дархан Айсен Николаев улуус баһылыга Юрий Слепцовка оскуола автобустарын күлүүстэрин туттарда. Бу күн Дойду Президенэ Владимир Путин көмөтүнэн Саха сиригэр 46 автобус кэлэн түҥэтилиннэ. Автобустар оскуолалар сайдыыларыгар көмөлөһүөхтэрэ. Ол курдук үөрэнээччилэр, учууталлар өрөспүүбүлүкэ, улуус устун сырыылара тэтимириэҕэ, үгүс быыстапкаларга, куонкурустарга кыттар кыахтаныахтара, үөрэтии-иитии үлэтин хаачыстыбата үрдүөҕэ. Нам улууһуттан саҥа автобустар И.С. Гаврильев аатынан Нам 1№-дээх уонна Модут орто оскуолаларыгар ананнылар. Автобустар уһуннук, эрэллээхтик сулууспалаатыннар, үөрэхпит тэрилтэлэрин сайдыылара тэтимирэн үрдүк көрдөрүүлэри ситистиннэр! Дойду Президенигэр Владимир Путиҥҥа, СР Ил Дарханыгар Айсен Николаевка оҕолорго кыһамньыларын иһин махталбытын биллэрэбит. “Нам улууһа” МО пресс-сулууспата
Канал в каталоге Максиметера
555 подписчиков · Госорганы и учреждения