Бөгөн Рәсәй Дәүләт Думаһы депутаты, Бөтә донъя башҡорттары ҡоролтайы Президиумы рәйесе ... — 19 августа 2026 г. в 13:36:11.264
Бөгөн Рәсәй Дәүләт Думаһы депутаты, Бөтә донъя башҡорттары ҡоролтайы Президиумы рәйесе Эльвира Ринат ҡыҙы Айытҡолова тыуған көнөн билдәләй. Уны ошо уңайҙан ихлас тәбрикләп, иң изге теләктәребеҙҙе еткерәбеҙ. Дәүләт һәм йәмәғәт эшмәкәре, ғалим-филолог, журналист, тәжрибәле етәксе булып танылған Эльвира Ринат ҡыҙының барлыҡ хеҙмәт юлы республикабыҙҙың тормошо менән бәйле. Башҡортостан телевидениеһында баш мөхәррир, БР Дәүләт Йыйылышы - Ҡоролтайҙа депутат, рәйес урынбаҫары бурыстарын атҡарғанда, һуңғы йылдарҙа РФ Дәүләт Думаһы депутаты, Бөтә донъя башҡорттары ҡоролтайы Президиумы етәксеһе булараҡ, ул һәр ваҡыт төбәгебеҙ халҡының, милләтебеҙҙең мәнфәғәттәрен хәстәрләй, иң оло ҡиммәттәрҙе һаҡлау һәм үҫтереү эшендә алдан юл күрһәтеп бара. Эльвира Ринат ҡыҙының ваҡытында ҡабул иткән ҡыйыу ҡарарҙары, һәр хәл-торошто, мәсьәләне алдан күреп, яйға һала белеүе, талапсанлығы, тәүәккәллеге, ойоштороу оҫталығы арҡаһында республикабыҙҙа күп яңы башланғыстарға нигеҙ һалынды һәм улар уңышлы дауам итә. Бөтә донъя башҡорттары ҡоролтайының киң эшмәкәрлек алып барыуы, халыҡ тарафынан ихлас ҡабул ителгән ҡарарҙары, ҙур-ҙур проекттары ла - етәксебеҙҙең оло яуаплылыҡ менән башҡарған тынғыһыҙ хеҙмәтенә дәлил. Хөрмәтле Эльвира Ринат ҡыҙы! Һеҙҙе тыуған көнөгөҙ менән ихлас күңелдән ҡотлап, ныҡлы һаулыҡ, бәхет, тормошоғоҙҙа, ғаиләгеҙҙә, эшегеҙҙә артабан да ҙур уңыштар, яңынан-яңы үрҙәр, еңеүҙәр, әлегеләй һүнмәҫ дәрт-дарман теләйбеҙ! Халҡыбыҙ мәнфәғәтендә башҡарған хеҙмәтегеҙ киләсәктә лә юғары һөҙөмтә биреп, республикабыҙ үҫешенә тос өлөш индерһен. Тыуған көнөгөҙ менән! #ҡоролтай #ВсемирныйКурултайБашкир #ҡотлау #курултай #ТыуғанКөн #ЭльвираАиткулова