Йылайыр районында бүреләр ваҡ малды ҡырған
Йылайыр районында бүреләр ваҡ малды ҡырған Республика тәбиғәттән файҙаланыу һәм экология министрлығында был ваҡиғаның булғанлығын раҫланылар. «Башинформ» ауыл биләмәһе хакимиәте менән бәйләнешкә сыҡты. «17 сәғәт тирәһендә бүреләр ауыл көтөүенә һөжүм итә. Мотоциклда булған көтөүсе уларҙы ҡурҡытырға маташа, әммә йыртҡыстар туғыҙ һарыҡ һәм өс кәзәне тамаҡлап өлгөрә. Беҙ ЕДДС-ҡа шылтыраттыҡ, урынға һунарсылар төркөмө менән һунар инспекторы килде. Төндә улар бер бүрене эҙләп табырға өлгөрә. Тағы ла ете бүре ҡаса. Бөгөн һунарсылар эшләүен дауам итә*, — тип хәбәр итте Үрге Ғәле ауыл советы башлығы Вәсил Игебаев „Башинформ"ға. Фото: Тимур Әбделмәнов Автор:Ильфира Аккужина
139 просмотров