Татарстан Республикасы Рәисе каршындагы Татар телен һәм Татарстан Республикасында яшәүч... — 20 мая 2026 г. в 14:30:28.993
Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән уздырыла торган "Татар китабы-2026" конкурсы кысаларында үтүче очрашуларның чираттагысы бүген безнең Әтнәбездә📚✅ 📌Килгән кунакларыбыз – "Татарстан китап нәшрияты" баш мөхәррире урынбасары Ләйсән Миңнуллина, "Татарстан китап нәшрияты" матур әдәбият редакциясе мөдире Галимҗан Гыйльманов яңа, масштаблы «Татар китабы» бәйгесе, аның таләпләре турында чыгыш ясап яшь иҗатчыларга үзләренең киңәшләрен җиткерделәр. Бәйгенең миссиясе: Татарстан Республикасында яшәүче сәләтле авторларны табу һәм аларга ярдәм итү, татар әдәбиятын популярлаштыру. Очрашуны Казан шәһәр филармониясе солист-вокалисты, Халыкара конкурслар лауреаты Рөстәм Насыйбуллинның чыгышлары, якташ шагыйрьләребезнең һәм каләм тибрәтүче яшь иҗатчыларыбызның шигырьләре бизәде. Фотолар түбәндәге сылтама буенча👇🏻📸 https://vk.ru/album-217040379_311408700 #атнякультура #Әтнәмәдәниятбүлеге #АтнинскаяЦентральнаяБиблиотека #ӘтнәҮзәкКитапханәсе