Бүгенге көндә гореф-гадәтләр, гаилә традицияләре белән кызыксыну, буыннар бәйләнеше, ис... — 9 июля 2026 г. в 10:52:55.722
Бүгенге көндә гореф-гадәтләр, гаилә традицияләре белән кызыксыну, буыннар бәйләнеше, исем-фамилияләр турында уйлану, үз гаиләң белән горурлану киң колач алды. Нәсел тамырларыңны барлау – халык, милләт, хөкүмәт дәрәҗәсендә яшь буынны тәрбияләүдә мөһим бер эшкә әверелде. ✨ 8 июль – Гаилә, мәхәббәт һәм тугрылык көнендә Күәм мәдәният йорты һәм китапханә хезмәткәрләре тарафыннан балалар өчен «Нәселем агачы» дип исемлэнгән чара уздырылды. Чарада татар традициясендә шәҗәрә – нәсел хәтере, ата-баба нәселен, җиде буынны белү изге бурыч булып саналуы, ул ир-ат сызыгы буенча алып барылганлыгы, анда исемнәр, даталар, никахлар язылганлыгы турында сөйләнде. Нәсел агачын төзү, аның кабатланмас тарихын язып бару һәм аны киләчәк буынга ядкарь-истәлек итеп калдырырга кирәлеге турында аңлатылды. «Тормыш агачы – буыннар хәтере» күргәзмәсе аша балалар шәҗәрә төзүнең төп ысуллары, төрләре белән таныштылар. Соңыннан шәҗәрә агачын төзү буенча осталык дәресе уздырылды. Балалар бик кызыксынып эшләделәр. Чара шуны күрсәтте: хәтта иң кечкенәләр өчен дә шәҗәрә төзү – үткәнгә мавыктыргыч сәяхәт, ә татар традицияләре белән танышу – гаиләдә буыннарны бәйләүче җеп икәнен аңларга ярдәм итте. 📍 Аерым рәхмәтебез һәм хөрмәтебез чарага үзенең оныгы белән килгән Хәкимҗанова Надия апага. Ул чарада катнашучы балаларның да 2-3, хәтта 4 буын бабаларының исемнәрен белүе белән сокландырды.