Бүген башкалабыз Казанда көзге ярминкәләр старт алды! Безнең Балтач районы, гадәттәгечә...
Бүген башкалабыз Казанда көзге ярминкәләр старт алды! Безнең Балтач районы, гадәттәгечә, үзенең бай продукциясен Агросәнәгать паркында тәкъдим итә. 🍞 Районыбызда җитештерелгән сыйфатлы азык-төлеккә сорау зур булуына чын күңелдән сөенәбез. Казан халкы безнең ризыкларны яратып ала, югары бәяли һәм кабат-кабат килеп сорый. Туган җиребездә үстерелгән уңышны һәм әзерләнгән ризыкны башкала халкына да җиткерә алуыбыз — зур горурлык! 🎶 Ярминкәнең күрке — мәдәният хезмәткәрләренең моңлы җырлары. Бәйрәм кәефе бүләк иткән оештыручыларыбызга, егет-кызларыбызга һәм белгечләребезгә олы рәхмәтебезне белдерәбез! Уңдырышлы Балтач җирендә җитештерелгән ризыклар һәрвакыт табыннарыбызның күрке булсын! Хөрмәтле райондашларыбыз, агымдагы айда үзебезнең районда узачак көзге ярминкәдә сез ниләр алырга телисез? Нинди продукциягә өстенлек бирәсез? Безнең сораштыруда катнашып алыгыз әле. Фикер-тәкъдимнәрегезне комментарийларда көтеп калабыз! Табыннарыбызны бергәләп баетыйк. 👇 Сораштыру: 1. Ит һәм ит продукциясе (казылык, каклаган ит) 2. Сөт ризыклары (каймак, эремчек, корт) 3. Яшелчәләр (бәрәңге, кишер, чөгендер) 4. Бал һәм умартачылык продуктлары 5. Икмәк-булка әйберләре 6. Кайнатмалар, тозланган яшелчәләр 7. Үз вариантыгызны языгыз...