Бүген юл хуҗалыгы хезмәткәрләре Һөнәри бәйрәмнәрен билгеләп үтә.
Бүген юл хуҗалыгы хезмәткәрләре Һөнәри бәйрәмнәрен билгеләп үтә. Юл хуҗалыгы хезмәте катлаулы һәм җаваплы тармак. Әлеге юнәлештә хезмәт куючылар республикабызның төрле почмакларында һәм районыбыз җирлегендә транспорт артерияләре буенча хәрәкәт итү мөмкин кадәр уңайлы һәм куркынычсыз булсын өчен барысын да эшли. Урамнарыбызның йөзе үзгәрә, район үзәген авыллар һәм башка район-шәһәрләр белән тоташтыручы юллар ремонтлана. Юллар төзекләндерүдә бигрәк тә соңгы елларда республикада һәм районыбызда актив тормышка ашырылган программа - проектлар ярдәмгә килә. Боларның барысы да бүген үзләренең һөнәри бәйрәмнәрен билгеләүче юл хезмәткәрләренең тәҗрибәсе һәм осталыгына бәйле. Хөрмәтле юл хуҗалыгы хезмәткәрләре, ветераннар! Сезнең хезмәт һәркемнең күз алдында. Җирлегебезнең юл челтәре үсешенә һәм халыкның тормыш шартларын яхшыртуга керткән хезмәтегез өчен чын күңелдән рәхмәтемне белдерәм. Барчагызга ныклы сәламәтлек, гаилә бәхете, эшегездә яңадан-яңа уңышлар телим. Бәйрәм белән! Ихтирам белән, Балтач муниципаль районы башлыгы Рамил Нотфуллин