«Йөрәк җылысы»: 6 «Б» сыйныфында Өлкәннәр көне узды
«Йөрәк җылысы»: 6 «Б» сыйныфында Өлкәннәр көне узды Беренче номерлы Шыгырдан урта мэктэбенең 6 «Б» сыйныфында, сыйныф җитәкчесе Валитова Рәфисә Расыйх кызы җитәкчелегендә, Өлкәннәр көненә багышланган ачык тәрбия сәгате үтте. Чарага иң кадерле кунаклар - әбекәйләр чакырылган иде. Бәйрәмне алып баручылар - Кепечева Әминә һәм Шрша Илсаф - чараны «Ак әбиләр» риваяте белән башлап җибәрделәр. Кунаклар өчен укучылар бик эчтәлекле һәм күңелле программа әзерләгәннәр. Программадагы кызыклы бәйгеләр һәркемнең күңеленә хуш килде: «Әбиемнең сандыгы» - милли гореф-гадәтләрне искә төшерү; «Тәмле-тәмле» - милли ризыклар турында белемнәрне тикшерү; «Җырлыйк әле, бергәләп!» - күмәк җыр бәйгесе; «Йөрәк җылысы» - иң изге теләкләр һәм иншалар конкурсы. Бәйгеләр арасында матур музыкаль номерлар яңгырады. Баянчы Ештанова Азалия, Шрша Илсаф һәм Хакимова Адилә чыгышлары кунакларны сокландырды. Земдиханов Назил «Туган як» җырын башкарып, һәркемнең күңелен кузгатты, ә кызлар татарча биеп күрсәттеләр. Хор башкаруында яңгыраган «Әбекәй» җыры исә бәйрәмнең иң дулкынландыргыч мизгеле булды. Иң мөһим мизгел- ирекле өлеш булды. Хуш исле чәй һәм өй пироглары янында буыннар бер өстәл артына җыелды. Әбекәйләр яшьлек хатирәләре белән уртаклаштылар, ә укучылар үзләренең уңышлары, планнары һәм хыяллары турында сөйләделәр. Бу минутларда яшь аермасы юкка чыкты. Мондый очрашулар - дәреслек буенча үткәреп булмый торган иң яхшы шәфкатьлелек дәресе. Бу җылы көнне оештырганы өчен Рәфисә Расыйх кызына һәм үзләренең әбекәйләренә чын бәйрәм бүләк иткән алтынчы сыйныф укучыларына зур рәхмәт. Буыннарны бәйләп торган җеп һәрвакыт шундый нык булсын!