Чуашстан татарлары милли-мәдәни берләшмәсе исеменнән
Чуашстан татарлары милли-мәдәни берләшмәсе исеменнән Россия мөселманнары Дини җыены җитәкчесе, мөфти Әлбир хәзрәт Кргановка. Хөрмәтле Әлбир хәзрәт! Чуашстан татарлары милли-мәдәни берләшмәсе исеменнән Сезне ихлас күңелдән 50 яшьлек юбилеегыз белән тәбрик итәбез! Сезнең гомер юлыгыз халкыбызга, динебезгә һәм туган телебезгә фидакарь хезмәт итүнең якты үрнәге булып тора. 30 елдан артык Чувашия Республикасы мөфтие буларак, Сез төбәгебездә ислам дине нигезләрен ныгытуга, мөселман җәмгыятьләре арасында бердәмлек һәм үзара килешү рухын саклауга зур өлеш керттегез. Хәзерге вакытта Россия мөселманнары Дини җыены җитәкчесе буларак, Сез илебезнең төрле төбәкләрендәге дин кардәшләребезне берләштерү, дини белем һәм мәдәниятне үстерү юнәлешендәге изге эшне дәвам итәсез. Сезнең ярдәмегез һәм игътибарыгыз аркасында Чуашстан татарлары үз телен, гореф-гадәтләрен һәм дини кыйммәтләрен саклап яши, милли үзаңын ныгыта. Бу безнең өчен бик кадерле. Олы юбилеегыз уңаеннан Сезгә нык сәламәтлек, бәрәкәтле хәерле гомер һәм Аллаһы Тәгаләнең рәхмәтен телибез. Игелекле эшләрегез һәрвакыт уңышлы булсын, күңелегез имин, йортыгыз якты һәм бәрәкәтле булсын! Иң изге теләкләр белән, Чуашстан татарлары милли-мәдәни берләшмәсе рәисе Әгъзам Шакиров.